Государственное бюджетное профессиональное образовательное учреждение "Государственный колледж дизайна, моды, пищевой индустрии и сервиса"

Лараме хьехархой, дешархой! Тахана, асаран беттан 13-чу дийнахь, Нохчийн меттан институтехь дӀайаьхьира «Нохчийн меттан говзанча» цӀе йолчу республикин къовсаман совгӀатхой а, лауреаташ декъалбарна а, уьш совгӀаташца билгалбахарна а лерина цхьанакхетар. Маршаллин дош олуш, конкурсан хьокъехь цкъа хьалха вистхилира Институтан директор Овхадов Рукъманан Муса. Цу цхьанакхетарехь дакъалоцуш йара ПБКДХЬ «Дизайнан а, модийн а, кхачанан индустрин а, сервисан а пачхьалкхан колледжан» дешархо Эльмурзаева Камила. Нохчийн мотт кхиорна а, Ӏалашбарна а, ткъа иштта, республикин «Нохчийн меттан говзанча» конкурсехь жигара дакъа лоцуш толаман меттиг йаккхарца а билгалйаьлла хилла вайн колледжан векал, дешархо Эльмурзаева Камила. Камилина ДИПЛОМАН Совг1ат дира «Нохчийн меттан говзанча» ц1е йолчу регионан къовсамех 2- г1а меттиг йаккхарна. Камила, хьан толам – колледжан толам бу! Колледжан куьйгалло а, хьехархойн коллективо а, студенташа а даггара хазхетарца тӀеийцира и хаза кхаъ. Дала аьтто бойла хьан! Дала т1аьхье беркате йойла!